По подолго време, групата Д.Н.О. издаде нов сингл. Текстот и музиката на песната „Девојка“ се на Владимир Поп-Христов, во изведбата гостува Михаил Парушев на тапани, а миксот е направен во студиото „Спална соба“.
-Со поддршка на студиото „Алшар“, каде што ги снимивме тапаните, создадовме една симпатична песничка. Додека трае ова време-невреме и додека сме вака во залет, ќе се обидеме да снимиме уште неколку вакви убави песни – најавуваат од Д.Н.О.