На нешто повеќе од еден месец пред дебито на македонската фудбалска репрезентација на „Евро 2021“, фудбалската федерација на Македонија (ФФМ) денеска ја промовираше химната „Одиме на Европско првенство“
После бурата од пред еден месец околу бришењето на селекторот Игор Ангеловски од стиховите на химната, кои ги открија Горан Пандев и Илија Несторовски, ФФМ очигледно попушти, па селекторот го има покрај сите други фудбалски херои во песната, објави „спорт1.мк“.
ФФМ денеска го промовираше и спотот за химната, која е дело на ВИС Рисови, а тие двапати ја испеаа на промоцијата пред комплексот куќа на фудбалот.
Фото: Продукција Скендеровски
