Времето во средата во Македонија ќе биде сончево и топло со мала до умерена облачност, а попладне и кон крајот на денот на повеќе места ќе биде нестабилно со пороен дожд и грмежи, локално и во форма на невреме, особено во источните делови.
Ќе дува слаб до умерен, а во горниот тек на Повардарието повремено засилен северен ветер.
Минималната утринска температура е во интервалот од 9 до 18, а максималната дневна ќе достигне од 25 до 32 Целзиуови степена.
Во Скопје и околината претпладне ќе биде сончево со мала до умерена облачност и умерен, повремено засилен северен ветер. Попладне и кон крајот на денот нестабилно со пороен дожд и грмежи. Минималната температура се спушти до 15, а максималната ќе достигне до 28 Целзиуови степени.
Следува период на променливо облачно време со повремени врнежи од дожд и со слаб до умерен, а повремено и засилен северен ветер. Утре и во четврток попладне на повеќе места ќе биде нестабилно со пороен дожд, грмежи и засилен ветер, локално и во форма на невреме со услови за појава на град. Температурата ќе биде во постепено опаѓање.
