Во Собранието на Република Македонија денеска седници ќе одржат Буџетскиот совет на Собранието и Комисијата за прашања на изборите и именувањата.
На дневен ред на Буџетскиот совет е Предлог- одлуката за давање на финансиска согласност на Предлог-годишниот план за изменување на Годишниот план за вработување во Службата на Собранието за 2021 година.
Собраниската Комисија за прашања на изборите и именувањата ќе се произнесе по 20-тина точки меѓу кои и за Предлог – одлуки за изменување на одлуките за составот на собраниски комисии, на Националниот совет за евроинтеграции, како и на составот на делегации на Собранието во повеќе меѓународни организации.
