По усвојувањето на нормативниот дел од Охридскиот договор и неговото секојдневно спроведување, темелните реформи, членството на Македонија во НАТО и запечатувањето на европската иднина, дојде време Демократската унија за интеграција да се трансформира, рече во саботата челникот на партијата Али Ахмети во обраќањето по повод 19-годишнината од основањето на ДУИ.
„Затоа, денес, на 19-от роденден на Демократската унија за интеграција, во согласност со резолуциите усвоени на нашиот последен конгрес, ние започнуваме нова политика, нов начин на водење политика и директно дејствување, надвор од етничките права, развој и цели на интеграција, политика за правда во животната средина, квалитет на живот. Денес, Демократската унија за интеграција како целина ја прифаќа зелената агенда како дел од Европскиотите зелени напори и ја додава на програмските столбови како приоритет “, изјави Ахмети.
Лидерот на ДУИ, исто така, рече дека тој и неговите соработници веќе се фокусираат целосно на квалитетот на животот, условите за живот, развојот, квалитетно образование и здравство, неселективна правда, дигитализација, социјални политики, инфраструктура, економија и животна средина.
Ахмети рече и дека ДУИ, како една од „најуспешните политички организации во историјата“ на земјатаа, се појавила „како неопходност на тоа време, како сила обврзана од граѓаните да воспостават еднаквост преку целосно спроведување на Охридскиот мировен договор“.
„Една млада девојка, Грета Тунберг, го обиколи светот со аларм за климатските промени и еколошката политика и сите и ја отворија вратата. Дојде време да ја отвориме вратата и да ги прифатиме овие политики за зелена, безбедна, развиена и здрава иднина. Ова е она што вие, младите, го барате. Младите бараат услови за живот како нивните врсници на запад, работни места како и модерна животна средина“, додаде Ахмети.