Во изминатите 24 часа во ковид центрите во Скопје има тројца хоспитализирани нови пациента поради компликации од корона вирусот. Вкупно 51 лице сомнително и потврдено за Covid-19 се лекува на инфективните одделенија во главниот град.
Во последното деноноќие, на Институтот за ТБЦ немало приеми.
Во ковид центарот во Гратската општа болница „8-ми Септември“, исто така, немало примени пациенти, и тојца нови заболени се хоспитслизирани на Клиниката за инфективни болести и фебрилни состојби во текот на вчерашниот ден.
Во изминатите 24 часа дома се пуштени 7 оздравени пациенти.
Во ковид центарот на Институтот за ТБЦ се лекуваат 7 пациенти.
Во ГОБ „8-ми Септември“ има вкупно 16 болни, а на Клиниката за инфективни болести и фебрилни состојби лежат 28
пациенти.
Вкупно 51 пациент потврден и сомнителен за Covid-19 се лекува на инфективните одделенија во болниците во главниот град. Голем дел од пациентите се на кислородна поддршка.
Бројот на приеми во изминативе денови се намалува и утрово до 8 часот имало 90 слободни места, а се очекува во тек на денот по направените исписи на оздравените пациенти да се ослободат и дополнителни места.
Сите инфективни одделенија имаат довод на кислород и можат да згрижат пациенти кои имат потреба од кислородна поддршка.
Во изминатите 24 часа во ковид центрите во болниците низ земјава е пријавено дека се лекуваат вкупно 83 пациенти позитивни и суспектни на коронавирусот.
По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 12 пациенти, позитивни и суспектни. Во болницата во Штип се хоспитализирани 10 пациенти.
На инфективното одделение во Тетово има 4 пациенти, во Велес се лекуваат 8 болни, а во Куманово 15 пациенти позитивни и суспектни.
Во ковид центарот во Охрид има хоспитализирано 7 пациенти, во Прилеп 6, во ковид центарот во Гостивар 3, а во Струга 5 болни.
Во болницата во Струмица хоспитализирани се 8 пациенти, во Кичево 4 и во Кавадарци и во Гевгелија нема хоспитализирано лица позитивни и суспектни на корона вирусот.
Вкупната бројка пациенти позитивни и суспектни на корона вирусот кои се лекуваат на инфективните одделенија во главниот град и во болниците низ земјава е 134 и има околу 515 празни болнички кревети во ковид центрите.
Поради намалениот број на болни, болниците затворија дел од капацитетите наменети за ковид пациенти.
