Италијанските медиуми објавија видео од падот на жичарата која го поврзува градот Стресa, на брегот на езерото Маџоре и планината Мотароне во Пијемонт на северот на земјата, три недели по страотната несреќа, кога загинаа 14 луѓе. Преживеа само едно петгодишно момче.
Снимките од надзорните камери траат 19 секунди и покажуваат дека кабината на жичарницата се искачува нормално. По достигнувањето на врвот, кога треба да се поврзе со станицата, кабината нагло се движи надолу и на крајот се одвојува од јажето и паѓа на земја.
