Вчера се одржаа повторените парламентарни избори во Бугарија, откако на првите распоредот на гласовите беше таков што никој не можеше да обезбеди мнозинство и да формира влада.
Партијата на Трифонов повторно го престигна Борисов. Податоците на ЦИК во 13:30 часот (според бугарско време) со обработени 98,92% од гласовите покажуваат дека ИТН на Трифонов победи со 23,91% од гласовите, на второто место е ГЕРБ-УДФ со 23,69% од гласовите, БСП има 13,51%, ДБ – 12,56%, ДПС – 10,66% и ИСМВ со 5,03%.
6 партии повторно влегуваат во парламентот, како и на претходните избори. За ИТН гласаа 645.129, ГЕРБ-УДФ доби 639.221 гласови, за БСП гласале 364.545 лица, 338.963 гласови доби ДБ, за ДПС гласале 287.712 лица и ИСМВ доби 135.730 гласови.
Надвор од земјата, податоците покажуваат дека со 82,02% обработени протоколи на ПЕЦ во 13,30 часот, ИТН победи со 35,01% од гласовите, ДБ има 18,51%, ДПС има 18,28%, а пак ГЕРБ-УДФ има 9,05%. Според бројот на гласови ИТН има освоено 47.662 гласа, ДБ – 25.199, ДПС – 24.882, ГЕРБ-УДФ – 12.317.
Бројот на мандатите ќе бидат познати до четврток.
Конечните имиња на пратениците во 46-от парламент мора да бидат познати до недела.
936 кандидати доставија документи од две области од која област сакаат да влезат во парламентот.
„Има таков народ“ го предлага Николај Василев за премиер. Слави Трифонов денеска објави дека ИТН ќе преземе одговорност за владата и ќе предложи независен кабинет, бидејќи партиите што протестираат немаат мнозинство заедно за да формираат коалициска влада.
За вицепремиер и министер за надворешни работи, ИТН го номинира Ради Најденов, дипломат, за заменик премиер и министер за внатрешни работи – Николај Радулов.
За министер за финансии предлогот на ИТН е Марија Бојчинова, за министер за економија Љубомир Дацов, за министер за образование Наталија Митева, Красимир Ненов – министер за енергетика, Велислава Петрова – за министер за здравство, за министер за регионален развој и јавни работи – Михаела Лашова, Христо Алексиев – министер за транспорт, информатичка технологија и комуникации, Ивајло Кожухаров – министер за туризам, Пламен Абровски – министер за земјоделство, храна и шумарство, Теодора Генчовска – министер за одбрана, Лилија Иванова – министер за труд, социјална и демографска политика, за министер за култура – Станислава Армутлиева, Петар Илиев – министер за правда, Радостин Василев – министер за млади и спорт, министер без ресор за ромски прашања Антониа Валентинова.
– Владата на ИТН е составена од експерти и пред неа ќе има специфични приоритети со најкраток можен рок за имплементација – најави Слави Трифонов.
Според последните податоци на ЦИК, со 98,92% обработени протоколи, „Има таков народ“ е првата политичка сила на предвремените парламентарни избори одржани вчера со 23,91% од гласовите.
