Секторот за внатрешни работи Тетово, до Основното јавно обвинителство Тетово, поднело кривична пријава против 65-годишната А.Х. од тетовска Мала Речица и нејзиниот брат 56-годишниот С.С. од Босна и Херцеговина, поради постоење основи на сомнение за сторено кривично дело „тешка кражба“.
Од МВР денеска информираа дека двајцата се сомничат дека во периодот од 4-ти до 8-ми јуни годинава, А.Х. му помагала на нејзиниот брат С.С. да украде 400.000 швајцарски франци од 80-годишниот А.Џ.) од Мала Речица, кој е нејзин сопруг и да избега во Босна и Херцеговина.
По пријава на случајот во СВР Тетово, се наведува во соопштението од МВР, А.Х. исто така, заминала во Босна и Херцеговина и од нејзиниот брат ја одзела комплетната сума, по што заминала во Швајцарија.