Откако не успеа да постигне нов договор со Барселона, Лионел Меси вчера стави потпис на двегодишен договор со ПСЖ. Аргентинецот во дресот на ПСЖ ќе настапува со бројот 30.
Поранешниот фудбалер на Барселона доби богат договор, неговата плата ќе се движи од 35-40 милиони евра, во зависност од неговиот учинок на теренот.
– Со нетрпение очекувам да започнам ново поглавје во кариерата во Париз. Клубот и неговата визија се целосно во согласност со моите амбиции. Знам колку се талентирани играчите и персоналот овде. Решен сум да изградам нешто добро со нив за клубот и навивачите. Едвај чекам да стапнам на теренот „Паркот на принцевите“, изјави Меси за официјалната веб-страница на Пари Сен-Жермен.
Како изгледаше вчерашниот ден на Меси, односно патот од Барселона до Париз, пречекот од навивачите, самите лекарски прегледи и најпосле потпишувањето со ПСЖ погледнете во видеото во продолжение.
https://twitter.com/PSG_inside/status/1425243636120309760?ref_src=twsrc%5Etfw%7Ctwcamp%5Etweetembed%7Ctwterm%5E1425243636120309760%7Ctwgr%5E%7Ctwcon%5Es1_&ref_url=https%3A%2F%2Fkurir.mk%2Fsport%2Ffudbal%2Fistorisko-video-poglednete-detalno-kako-izgledashe-vcherashniot-den-na-mesi-od-barselona-do-terenot-na-psz%2F
