Бизнисменот Орце Камчев останува во притвор откако Кривичниот суд му ја одби и последната понудена гаранција од 1,7 милиони евра.
Против ова решение на Кривичниот совет, Камчев има право на жалба во рок од 3 дена до Апелациониот суд Скопје.
Бизнисменот кој е петтообвинет во случајот „Плацеви на Водно“, по вторпат поднесе гаранција во вредност од 1,7 милиони евра во недвижнини и околу 200.000 евра во готовина за да се брани од домашен притвор, но на тоа јавната обвинителка Лиле Стефанова веднаш дала негативно мислење.
– Сметам дека гаранцијата треба да биде прифатена, бидејќи сумата ја надминува целата финансиска штета од 1,3 милиони евра за која Обвинителството го гони мојот клиент – рече адвокатот Еленко Миланов пред неколку дена, кога ја соопшти последната понудена гаранција од Камчев.