Поранешната манекенка и прва дама на САД, Меланија Трамп, привлекува големо внимание во јавноста. Луѓето сакаат да знаат се, па ги интересира и како го одржува телото витко и младолико. Во неколку интервјуа таа открива неколку здрави навики кои ги почитува.
Секој ден го започнува со ист појадок, без оглед на работните обврски. Таа појадува овесна каша, која е одличен извор на влакна и смути направено од овошје и зеленчук.
Секој ден јаде 7 овошки, за телото да ѝ остане здраво, а кожата сјајна.
Не си забранува ништо, па ако ѝ се јаде благо, каснува малку чоколадо. Обожава и сладолед, но не го јаде често.
Меланија не држи строги диети, но внесува многу вода во текот на денот и никогаш не сака да консумира мрсна и калорична храна. Практикува и пилатес 2-3 пати во неделата.
Нејзино омилено јадење е пилешкото месо со пармезан. Омилен пијалак ѝ е диетална кока-кола.
