Писмото на директорите на Јавните здравствени установи да биде повлечена оставката на минситерот за здравство Венко Филипче поради 14-те жртви во пожарот во тетовскиот ковид-центар е всушност писмо за спас на нивните директорски фотелји во ситуација кога и Филипче и премиерот Зоран Заев треба да си подносат оставки, стои во реакцијата на ВМРО-ДПМНЕ на писмото на ЈЗУ.
Од партијата посочуваат дека тоа писмо за спас на фотелјите ги обвистини и партиските директиви на СДСМ за организираното жалење за оставката на Филипче за која Заев се уште не се изјаснил дали да ја прифати.
„Тоа значи дека ниту Заев не чувствува морална одговорност. Очигледно СДСМ повеќе се грижи за фотелјата од независна истрага. Протестот на граѓаните од Тетово праќаат порака дека народот бара одговорност за ужасната несреќа. До нејзе ќе се дојде само преку неутрална истрага која ќе се случи само ако Заев, Филипче и Груби си дадат оставки за да не влијаат на истата“, посочуваат ВМРО-ДПМНЕ.
