Адвокат на Хилари Клинтон обвинет дека го лажел FBI

Адвокатот за кибернетичка безбедност Мајкл Сусман, познат по неговиот ангажман во неуспешната  претседателска кампања на поранешната американска државна секретарка Хилари Клинтон во 2016 година, е обвинет дека го лажел Федералното биро за истраги (FBI) во текот на истрагата на американскиот специјален советник Џон Дурам за наводните врски меѓу Русија и изборниот штаб на поранешниот претседател на САД, Доналд Трамп.

Сусман, кој ги застапуваше и Демократскиот национален комитет и Хилари Клинтон во случајот со наводното руското хакирање на таа организација, беше обвинет за давање лажна изјава за време на состанокот одржан на 19-ти септември 2016 година со поранешниот советник на FBI, Џејмс Бејкер.

Ова е втор кривичен случај што го покрена Дурам, откако поранешниот државен обвинител Вилијам Бар го организираше неговото прислушување во 2019 година за да ја следи работата на американските службеници кои спроведуваат истрага за наводните контактите меѓу Трамп и Русија.

Републиканецот Трамп во 2016 година оцени дека истрагата на FBI претставува „лов на вештерки“, а администрацијата на демократскиот претседател Џо Бајден му дозволила на Дурам да продолжи да ја извршува должноста специјален советник.

Сусман во обвинението се товари дека го лажел Бејкер кога го сретнал со цел да му даде документација и бази на податоци за наводните контакти на организацијата на Трамп со една руска банка, велејќи дека тој не застапува ниту еден клиент.

Во обвинението натаму се наведува дека Сусман ги предал податоците, но не како „совесен граѓанин“, туку како адвокат кој претставува еден извршен директор за технологија, интернет компанија и претседателската кампања на Хилари Клинтон.

Адвокатите на Сусман велат дека тој „ќе се бори против ова неосновано и политички инспирирано обвинение“.

Американската сојузна полиција спроведе истрага за овој случај, но на крајот заклучи дека нема доволно докази за „таен комуникациски канал“ меѓу организацијата на Трамп и руската банка, која во медиумските извештаи беше идентификувана како „Алфа банка“.