Корисниците во светот јавуваат ноќта кон вторникот по македонско време дека е обновена работата на социјалните мрежи Facebook и Instagram, и оти на платформите се забележува раст на сообраќајот.
Според податоците на сервисто нза надзор Kentik, интернет сообраќајот на сервисите на „Facebook Inc“ исчезнал во 15,39 UTC, a повторно почнал посттепено да се враќа по 5,5 часа, малку пред полноќ по македонско време.
Корисниците, исто така, известуваат дека пристапот до социјалните мрежи е обновен, иако сѐ уште се забележуваат извесни проблеми. Истовремено, месинџер услугата WhatsApp сѐ уште не е достапна.
Неполн час пред обновувањето на функционирањето, техничкиот директор на американскиот технолошки гигант „Facebook Inc“, Мајк Шрепфер, соопшти дека причината поради којашто повеќе чесови корисниците не можеа да пристапат до своите омилени апликации се мрежни проблеми.
Од Facebook испратиле мал тим експерти во еден од своите центри за обработака на податоци во американската сојузна држава Калифорнија, за да се обиде рачно да ги рестартира серверите по повеќе од петчасовниот пад на мрежата, објави на Twitter Мајк Ајзак, новинар на The New York Times.
Во понеделникот беа пријавени големи нарушувања во работата на социјалните мрежи и платфори Facebook, Instagram и WhatsAp кои ги погодија милиони корисници ширум светот. Потоа, корисниците почнаа да пријавуваат проблеми и со други сервиси, меѓу кои и Telegram, Twitter, Google и TikTok.
