Во најновата корона мапа што секој четврток ја објавува, Европскиот центар за превенција и контрола на болести може да се види дека во однос на минатата недела повеќе земји се во зелената и во црвената зона. Во соседна Грција состојбата е непроменета – од минатиот четврток одредени делови се во портокалова фаза, но поголемиот дел од земјата е во црвена зона.
Хрватска и понатаму е во црвена зона.
Италија има подобра ситуација во однос на минатата недела. Поголемиот дел од земјата е во портокалова зона со тоа што некои делови, во споредба со минатата недела, се во зелена зона.
Темноцрвени се цела Словенија, како и Естонија и Литванија.
Шпанија и Франција во однос на претходната недела, повеќето нивни делови се во зелена зона, но, некои остануваат портокалови.