Наутро по одделни котлини и речни долини во четвртокот во Македонија има појава на магла и ниска облачност, но преку денот ќе биде сончево со мала, а во западните делови умерена облачност.
Ќе дува слаб до умерен југозападен ветер, кој во западните делови повремено ќе засилува.
Минималната утринска температура се движи во интервалот од 1 до 8, а максималните дневни ќе се достигнат од 17 до 22 Целзиусови степени.
Во Скопје и околината утрово беше малку магливо, а преку денот ќе биде сончево со мала локална облачност и слаб до умерен југозападен ветер. Минималната температура се спушти до 4, а максималната ќе достигне до 20 степени.
До петок ќе се задржи стабилно и релативно топло време. По котлините и речните долини ќе има појава на утринска магла и ниска облачност, најизразени утре наутро. Во сабота ќе има повремен дожд претежно во западните делови, а во недела со врнежите од дожд ќе дува и засилен северозападен ветер. Дневната температура од недела ќе биде пониска.
