Сопственикот на туристичката агенција „Беса транс“, Беким Хаџиу, за првпат откако се случи страотната несреќа на автопатот „Струма“ во Бугарија, за БНТ проговори за деталите околу патувањето и автобусот кој изгоре, при што загинаа 45 луѓе.
– Си реков: зошто и јас не бев во тој автобус, да умрам и јас во автобусот. Многупати го помислив тоа – рече Хаџиу за бугарскиот медиум.
Тој тврди вдека автобусот бил на технички преглед пред патувањето во Турција и дека бил целосно исправен, но исклучува и дека некои од патниците внеле лесно запаливи материи. Тој негира дека туби со нелегално внесено гориво биле ставени во автобусот и додава дека во секој автобус има туби, но тие биле за води.
Хаџиу со семејството биле дел од патувањето и патувале со еден од четирите автобуси. Тој и сопругата патувале во првиот автобус, а неговите деца биле во еден од другите автобуси. За кобната несреќа разбрал на границата, на излегување од Бугарија.
– Им реков да ме однесат до местото, да видам со свои очи што се случило таму – вели Хаџиу.