На денешен пред осум години, во 2014та, кај селото Извор, Кичевско, започнува изградбата на автопатот Кичево до Охрид. Автопат долг 57км со вредност од 375 милиони евра во тоа време. Рокот на изградба на овие градежни работи беше четири години и денеска означуваме осум години години од почетокот на изградбата на овој автопат, изјави во вторникот Синиша Ивановски од ВМРО-ДПМНЕ.
Посочи дека во споменатиот период сега владејачката СДСМ не беше на власт и градежните работи се одвивале со добра и очекувана динамика, но ека по 2017 година кога социјалдемократите ја преземаа власт тоа за овој автопат значи и стопирање на изградбата во изградбата.
„Ќе напоменам само неколку изговори кои последниве пет години секојдневно ги кажуваат како оправдување зашто скоро и да не работат на изградбата на овој автопат“, додаде Иваноски и во продолжение таксативно наведе неколку моменти:
1.Лажно тврдеа дека крива е трасата, демек автопатот од Кичево наместо спрема Охрид завршувал кон некое друго место. Нивниот министер за транспорт и врски при едно ТВ излагање несреќно призна и изјави дека ова тврдење е невистинито и дека трасата е на право место и оваа нивна лага падна во вода и веќе не ја повторија.
2.Второ изговори и лаги се дека проектот за изградбата на овој автопат не бил соодветен и дека морало да се допроектира за да може да се гради. Тоа допроектирање трае неверојатни 5 години е нешто на кое сите лица со минимално познавање на градежништвото се смеат и го сметаат како крајно несериозно. Доколку за некоја позиција имало потреба од допроектирање, можеме да се согласиме дека за тоа им биле доволни 6 месеци или година дена, меѓутоа за допроектирање од цели 5 години не го прифаќаме во ниеден случај.
3.Потоа роковите за завршување на изградба на автопатот сами си ги задаваат и сами си ги прекршуваат. Првичниот рок кој што го зададоа беше 30 јуни 2020 година и нормално тој рок го прекршија, си зададоа нов рок кој што сега изнесува декември 2023 година, и со тоа ќе означиме 10 години за изградба на автопат кој што се уште не е готов. Но, од досега приложеното и нивното неработење можеме со сигурност да тврдиме дека и овој рок нема да е исполнет.
4.Чинењето на овој автопат од првични 375 милиони евра денеска стига скоро 600 милиони евра, во 2018 беше потпишан анекс од нови 187 милиони евра. Притоа тогашниот министер за транспорт и врски Сугаревски и Зоран Заев изјавија дека со овој анекс ние штедиме, државата штеди. Се прашуваме како може да штедиме при потпишување на нов анекс од скоро 200 милиони евра. Како може повеќе пари да бидат заштеда за нашиот буџет. Таа нелогичност и ден денеска од СДСМ не ја објаснија.
5.Самото пролонгирање на овој автопат, самото завршување на изведбата во превод значи нови трошоци. Ова лето се потпиша дополнителен договор за надзор на овој автопат во вредност 508 милиони денари, или нешто над 8 милиони евра. Наместо овие пари да завршат за проекти од интерес на граѓаните ќе бидат потрошени за надзор. Доколку овој автопатот бил изграден на време тој немало потреба за овој трошок, за кој ќе дадам и личен коментар дека оваа сума е далеку над пазарната вредност.
„Наместо како држава преку изградба на државната инфраструктура да го јакнеме туристичкиот капацитет на Охрид, Струга и регионот СДСМ потпишува само анекси за пролонгирање на рокови и зголемување на вредноста на чинењето на автопатот“, констатираше Иваноски и додаде дека „вакво неработење и неспособност во изградбата на инфраструктурата досега е незапамтено“.
Иваностки оцени дека СДСМ нема капацитет да гради иднина за Македонија, и оти оваа партија мора што поскоро да замине од власта за „доброто на граѓаните“ а потоа да „гледаат и да учат“ од ВМРО-ДПМНЕ како преку „работа и изградба на државната инфраструктура се сака својата држава“.
