Турција нема да се приклучи на санкциите што некои западни земји и ги воведоа на Русија поради специјалната операција во Украина, изјави турскиот министер за надворешни работи Мевлут Чавушоглу на дипломатскиот форум во неделата во Анталија.
„Веруваме дека санкциите нема да го решат проблемот“, рече тој на прашањето за ставот на Турција во однос на санкциите против Русија.
„Земете го воздушниот простор. Во согласност со Конвенцијата од Монтре, ние немаме моќ да го затвориме. Ова е законска обврска“.
Во меѓувреме, генералниот секретар на НАТО, Јенс Столтенберг, на маргините на дипломатскиот форум рече дека Алијансата очекува сите нејзини членки да воведат ограничувања за Москва.
Рускиот претседател Владимир Путин на 24 февруари започна специјална воена операција во Украина по барање за помош од лидерите на републиките во Донбас. Тој рече дека Москва нема планови за окупација на украински територии. Соединетите Американски Држави, Европската Унија, Велика Британија и голем број други земји соопштија дека воведуваат санкции против руски правни и физички лица.
