Францускиот претседател Емануел Макрон ја назначи министерката за труд Елизабет Борн за нов премиер на земјата, соопштија од Елисејската палата.
Борн (61) со тоа стана првата жена на таа позиција од 1992 година, пренесува Ројтерс.
Нејзиното познавање на внатрешната работа на државата и француските синдикати ќе и помогне со веќе најавените реформи, вклучително и најконтроверзното предизборно ветување на Макрон во врска со зголемувањето на старосната граница за пензионирање, наведува британската агенција.
Се очекува Макрон и Елизабет Борн да ги назначат сите други членови на новата влада во наредните денови, пренесува АП.
