Мисијата на приватната компанија „Astra Space“ чијашто цел е испраќање на малите метеоролошки сателити „NASA Tropics“ за следење бури во орбитата на Земјата, беше неуспешна бидејќи ракетниот мотор од вториот степен згаснал прерано.
Проблемот се случил десетина минути по успешното лансирање од космодромот Кејп Канаверал во сојузната држава Флорида околу 14 часот според американскиот источен брег, околу 20 часот вечерта во неделата по македонско време.
„Имавме номинален лет на првиот степен. Но моторот од вториот степен згасна прерано и не го испорачавме товарот во орбитата“, изјави во лајвстримот Аманда Дарк Фрај од „Astra Space“.
Ракетата носач „Rocket 3.3“ со должина од околу 12 метри дизајнирана за поставување мали сателити во ниската орбита на Земјата. Во „Astra“ очекуваат дека ниската цени и малите димензии на ракетата-носач, што ќе овозможува нејзино транспортирање до месото за лансирање во мали контејнери, па така и предност пред конкуренцијата на пазарот на вселенските услуги.
Ракетата носеше два мали сателита кои ги дизајнираше Линколновата лабораторија при Техничкиот институт Масачусетс (MIT) чијашто цел е мерење на влагата и врнежите во тропските системи на невреме. Тоа беа првите од шест сателити на NASA кои „Astra“ планира да ги лансира во блиска иднина.
Ова е втората неуспешна мисија на „Astra Space“ годинава. Компанијата досега имаше седум обиди да ја достигне до орбитата, вклучително и пробните мисии, од кои две беа успешно, првиот во ноември 2021 година, а вториот во март годинава.
Американската агенција за вселенски истражување NASA последната деценија склучува партнерства и поттикнува ракетни компании во САД за да се ослободи од зависноста од руските ракети за лансирање астронаути до Меѓународната вселенска станица (ISS) и за поставување помалку скапи научни товари во орбитата со цел да го поттикне развојот на ракетната индустрија.
