Во понеделнкот околу 16,50 часот, во СВР Тетово е пријавено дека на регионалниот пат Маврови Анови-Дебар, во месноста Стрезимирски мост, автомобил „рено”, со германски национални ознаки, излетало од коловозот, информираат од СВР Тетово.
На местото на несреќата, првично, починале три лица (две машки и едно женско), додека едно повредено женско лице е пренесено во гостиварската Општа болница „Ферид Мурад” за укажување на лекарска помош.
Екипи на СВР Тетово се веќе на лице место и наскоро ќе започне увид што ќе го води Јавен обвинител и во кој ќе учествува и екипа од ОВР Гостивар.
