…но, од кого зависи? Каква ќе биде? Ќе плаќаме повеќе? Трошиме ли повеќе воопшто? Не нема да дадам одговори на се’ во една колумна, еве ова некако како прв дел
Според прогугланото и прочитаното колку-толку детално и споредено, има многу контроверзни наоди во тоа дали зимата е подолга. Ова е тема за научинк, а не шалабајзер како мене, но предолго сум заинтересиран и доста имам акумулирано. Ќе пишам од личен, но и од аспект од она што сум го прочитал од науката.
Дали зимите се подолги? Сeпак не, повеќето респектибилни научни студии укажуваат дека зимите се пократки, а летата подолги. Ама јас ова тешко го голтам, освен тезата – колку поголемо затоплување – толку подолги зими, поради реметење на поларниот вортекс… ма дај не ме Кили, ама шо па ја знам?
Иако лично, летото ми е прекратко, морам да признаам дека кога ги менувам зимските гуми, последниве 20 години, тоа е скоро пред почеток на летото. Се подолго ги користам зимските гуми, од практична причина што температури под 8 степени траат и до јуни, затоа летните ги возам од јуни до октомври, веќе на средина ги менувам и ставам зимски.
Што се однесува до личниот впечаток, сумирано имам мислење дека летата се прекратки, многу пократки, но велам мој впечток, не метеоролошка статистика.
Да, сите велат има глобално затоплување и промени, но некако сметките за греење не ни се намалуваат, нели, поточно количеството на енергија поторшена за греење. Можеби прекраток период е човечки век, но факт е дека мини ледено доба имавме пред 500 години со документирани записи дека целата Река Темза била потполно замрзната, нешто што не се повтори досега. Како и да е во општиот циклус земјата влегува во ново ледено доба (полека, тоа ќе дојде за многу векови но ние, луѓето, со нашето делување некако ги правиме промените доста неочекувани и нагли??? Еве не знам, прашувам? Знам дека Ал Гор со тешка манипулација се обиде да ја протне приказната на неговите шејтани дека поларните капи се топат… минаа 20 години и ниеден остров, недна земја не се потопи, а поларните капи – помали или какви – такви сеуште добро се држат… чуј, добро, предобро… а, па за контра на тезата за пред 500 години не заборавате на Гренланд, чие име значи Зелена Земја бил навистина зелен пред 200 години. А, да не отворам уста за Сахара, која ако копнеш наоѓаш вода и бајаги фосили од морски свет. Сепак јас ова го сервирам во јадибурек стил, а вие читнете малку попродлабочени научни статии, а не јутјуб канали на забегани торетичари на заговори.
А, еве ви што покажува науката, дека растот и падот на глобалната температура (со зголемување на ЦО2) е циклична, како кардиограм, има ритам, и во моментов сме во пикот на просечната глобална температура. По овој пик температурата (треба да) паѓа редовно секои 100.000 години и никогаш не било од човекот, не сме ни биле тогаш, а камо ли да влијаеме на глобалната температура.
Зошто паѓа и расте јаглеродот двооксидот е мистерија, има многу теории, јас барем сум изгледал и прочитал 8-9 и нема дефинитивен одговор. Единствениот најиздржан досега е ротацијата на земјата и поместувањето на оската… но, има многу но… а, нам???
Господ да ни даде топла зима како никогаш досега, оти ќе биде една од најтешките, но за тоа допрва ќе пишувам.
Автор: Јанко Илковски за НетПрес
