Хорот кој ја изведуваше песната „А, бре Македонче“ на денешната прослава во организација на Владата на Деното на народното востание, наместо „клетите фашисти“, ја испеа строфата „Нека разберат, душманите клети, македонско име, нема да загине“.
Хорот ја испеја и песната „А бре, Македонче“ македонска песна од патриотски, борбен карактер и химна на партизанското движење во Македонија, која потекнува од периодот на НОБ за време на Втората светска војна.
Песната се смета за народна песна, иако е создадена од Крсте Црвенковски, Коле Чашуле и Ордан Михајлоски – Оцка. Таа е напишана во Прилепско, два месеци пред македонската химна Денес над Македонија.
Последниот стих во оргинал гласи: „Нека разберат клетите фашисти/ македонско име нема да загине!“
Хорот кој ја изведуваше „А, бре Македонче“ наместо „клетите фашисти“, ја испeа „Нека разберат, душманите клети, македонско име, нема да загине“.
„Нека раззберат, клетите фашисти, македонско име, нема да загине. Така ние ја учевме оваа песна, а нашите предци, на кои денеска им се поклонуваме, рамо до рамо со светската антифашистичка коалција се бореа против нив и се изборија за она што ние денес го имаме“, коментираше градоначалникот на Куманово Максим Димитриевски, на централната прослава на Денот на народното востание 11-ро Октомври.
Освен Димитриевски, на прославата говореше и премиерот Димитар Ковачевски. Пред неговиот говор, имаше културно-музичка програма, во која хорот освен македоснката химна, изведе и неколку песни од периодот на Народно ослободителната борба на македонскиот народ.
