Фудбалерот на италијанскиот прволигаш Монца ќе биде подвргнат на операција во петокот, откако е избоден со уште пет лица во супермаркет во трговски центар близу Милано, соопшти полицијата во којашто се лекува.
Италијанската полиција соопшти дека едно лице загинало во нападот во четвртокот, 47-годишен боливиски државјанин кој работел во супермаркетот во местото Асаго. Уште еден вработен е повреден заедно со четворицата граѓани, меѓу кои и Мари.
Осомничениот е повреден но мотивот не е јасен, соопштија карабинерите, додавајќи дека станува збор за лице со нарушено моментално здравје и дека се наоѓало под контрола на психијатриски одел.
Миланската болница „Niguarda“ соопшти во петокот дека Мари е во стабилна состојба, бидејќи не му се нанесени длабоки убодни рани во грбот. Во соопштението се наведува дека во болницата е донесен „буден и при свест“.
Извршниот директор на фудбалскиот клуб Монца, Адријано Галијани, изјави во четвртокот дека не е загрозен животот на Мари и дека би требало брзо да закрепне. Мари, 29-годишниот шпански централен бек, е на позајмица во Монца од англискиот прволигаш Арсенал.
