Ајде Нова година, ги скратуваме часовите, ве честам, вака директорката на ООУ „Браќа Миладиновци“ од Куманово Јасмина Спасовска ги испразнила училниците по дојавата за бомба во училиштето.
– Учениците беа изведени без паника од училниците. За осум минути беа изведени учениците и вработените од објектот – вели Спасовска, пишуваат кумановскимуабети.мк.
Мејлот кој пристигнал до повеќе училишта во 09:10 часот имал вознемирувачка закана.
„Нема да се криеме. Убиства се потребни. Ние ќе убиеме. Потребно е уништување. Ние ќе уништиме. Жал ни е за тоа што невини луѓе мораат да страдаат. Не постои друг начин. Ќе ја срушиме северномакедонската влада. Нашите очи се вперени на премиерот на Македонија и во неговата партија. Ќе ги убиеме сите“, пишувало во електронската порака.