
Одлуката на управата на зоолошката градина во Шведска да убие три шимпанза и да повреди уште едно откако тие побегнале од нивната ограда, предизвика големи критики во оваа скандинавска земја. Раководството на Зоолошката градина во Фурувик објасни дека еутанизацијата на животните, наместо убивање, можело да претставува опасност за луѓето.
Животните беа добро познати во Шведска, а нивната смрт предизвика бес.
Истражувачот Матијас Осват, кој ги следел неколку години, тврди дека шимпанзата не претставувале опасност.
„Ако, на пример, налетав на нив во паркот, ќе ми се зголемеше пулсот, но немаше да се плашам за мојот живот. Ова е трагедија“, изјави тој за Би-Би-Си.
„Тие се поздравуваат со бакнежи и прегратки. Исто како и ние. Шимпанзата и луѓето – навистина сме слични. Пет работи што шимпанзата можат да нè научат за политиката. Кога не можете да победите, приспособете се: шимпанзата знаат како да се борат со климатските промени“, вели тој.
Инцидентот се случил кога шимпанзата излегле од нивното заградено место и почнале слободно да шетаат низ зоолошката градина. Не е познато како избегале.
Зоолошката градина е затворена за зимската сезона, па нема посетители, но претставниците на зоолошката рекоа дека избеганите животни биле закана и дека вработените биле евакуирани или им се наредило да останат во затворени простории.
„Се смета дека шимпанзата се мирни, но се крајно опасни. Тие се брзи, многу силни и генерално бестрашни“, се вели во објавата на Зоолошката градина на Фејсбук.
Поради оваа причина, управата на паркот соопшти дека била принудена да ги убие животните наместо да ги смирува со седативни, кои се пукаат само од непосредна близина.
„Може да потрае и до 10 минути пред да почне да делува анестезијата, што би претставувало голема опасност за безбедноста на луѓето“, се вели во соопштението.
Но, одлуката да се убијат шимпанзата беше многу критикувана.
Поранешниот чувар, кој работел со животни 30 години, ја обвини зоолошката градина за непрофесионално однесување. „Мислам дека ги фати паника“, изјави Инг-Мари Персон за јавниот радиодифузен сервис СВТ.
Зоолошката го потврди идентитетот на двете мртви шимпанза Линда и Торстен во петокот. И третото е мртво, а се претпоставува дека се убиени уште две шимпанза – Сантино и Манда.