Северна Кореја истрелала во петокот уште две балистички ракети кон морето од својот источен брег, соопшти војската на Јужна Кореја, со што продолжува годинешново севернокорејското лансирање разни ракети невиден досега според бројот.
Пред само неколку дена, исто така, беа истрелани две ракети. Тоа, според САД и Јужна Кореја, само покажува дека Северна Кореја нема намера да ги запре своите провокативни акции и ја дестабилизира регионалната безбедност.
Јужнокорејскиот здружен генералштаб (JCS) соопшти дека проектилите летале 350 односно 250 километри, откако биле истрелани од Сунан, близу севернокорејската престолнина Пјонгјанг. Јапонската крајбрежна стража, исто така, извести за можно лансирање балистички проектил.
„Лансирањата се сериозна провокација која штети на мирот и стабилноста на Корејскиот полуостров и пошироко и е јасно кршење на резолуциите на ОН (…) Ќе го следиме и надгледуваме развојот на настаните заедно со САД во подготовката за дополнителни провокации (….), задржувајќи го цврстиот став на подготвеност заснован на нашата способност надмоќно да одговориме на секакви провокации“, од Северна Кореја, се истакнува во соопштението од Сеул и се повикува на „моментален прекин“ на лансирањата.
Јапонскиот министер за одбрана Тоширо Ино изјави дека неговата земја преку дипломатски канали во Пекинг ѝ вложила „силен протест“ на Северна Кореја. Генералниот секретар на владиниот кабинет Хироказу Мацуно го осуди најновото севернокорејско лансирање како „апсолутно неприфатливо“.
„Севернокорејската брза ескалација на провокациите во низата акција се закана за мирот и безбедноста на јапонскиот региони и меѓународната заедница“, изјави Мацуно за новинарите.
Лансирањето е изведено пет дена откако Северна Кореја истрела две ракети со среден долет во она што го опиша како „важен тест“ за шпионската сателитска програма кој има намера да ја заврши до април.
САД во четвртокот обвинија дека Северна Кореја наводно ја „довршила почетната испорака“ на противпешадиски ракети и проектили за руската приватна воена компанија „Вагнер“, за да ги поддржи руските сили во Украина.
Сопственикот на „Вагнер“, претприемачот Евгениј Пригожин го отфрли обвинувањето од Вашингтон како „озборување и нагаѓање“.
Министерството за надворешни работи на Северна Кореја, исто така, во петокот го демантираше пишувањето на јапонските медиуми за наводна испорака на муниција на Русија, нарекувајќи го „без никакви основи“.
Јапонскиот весник Tokyo Shimbun пишуваше дека наводно Северна Кореја во ноември со воз испратиле артилериски гранати и друга муниција во Русија, а дека дополнителни испораки се очекуваат следните седмици.
Севернокорејското министерство за надворешни работи соопшти дека никогаш не биле извршени никакви трансакции на оружје со Русија и ги критикуваше САД поради долгогодишното испорачување смртоносно оружје на Украина.
