Рускиот претседател Владимир Путин одржа новогодишно обраќање до Русите.
Овој пат тој не зборуваше во Кремљ, како и обично, туку опкружен со војници кои учествуваат во војната во Украина. Путин ја нарече 2022 година година на клучни настани кои ги поставуваат темелите на иднината за Русија и светот, и година исполнета со немири и вознемиреност.
„Тоа беше година на вистински пресврти и судбоносни настани. Година на тешки, но неопходни одлуки, од кои најважна е онаа за преземање чекори кон стекнување целосен суверенитет“, рече тој.
„Но, нашиот мултинационален народ, како што беше случај во сите тешки периоди од руската историја, покажа храброст и достоинство. Со зборови и дела ги поддржа бранителите на татковината. Нашите војници и офицери. Сите учесници во специјалната воена операција. изјави Путин.
Тој посочи дека вистината е на страната на Русија, која го штити својот народ на своите историски територии.
„Со години, западните елити ја уверуваа Русија за мирољубиви намери, вклучително и во Донбас, но всушност тие ги поддржуваа неонацистите и се подготвуваа за агресија. Сега за ова отворено се разговара, а народот на Украина се користи за да се подели и ослабне нашата земја“, рече Путин.
„Заедно градиме. И создаваме. Главната работа е судбината на Русија. Одбраната на татковината е наша света должност кон нашите предци и потомци. Отсекогаш знаевме, а денес уште еднаш сме убедени дека суверената, независна, сигурна иднина на Русија зависи само од нас. Од нашата сила и волја“, заклучи рускиот претседател.
