Поранешната премиерка на Нов Зеланд, Џасинда Ардерн, во средата во својот последен и емотивен говор пред парламентот, рече дека сите Новозеланѓани треба да чувствуваат дека политиката може да биде нивниот дом.
Ардерн ненадејно поднесе оставка во јануари, наведувајќи дека „повеќе нема доволно енергија за добро да ја врши својата работа“, откако ја водеше земјата низ предизвикувачкиот период на пандемијата на Covid-19 и терористичкиот напад во џамијата во Крајстчерч во кој загинаа 52 лица.
На глобалната политичка сцена се појави во 2017 година како најмлада премиерка на светот со 37 години, а сега поднесувајќи ја својата оставка, таа се заблагодари на семејството, нејзината партија и поддржувачите. Ѝ порача на својата ќерка Нев дека се радува што воаа година ќе биде присутна кога годинава ќе тргне на училише, а на својот долгогодишен партнер Кларк Гејфорд и рекла дека е време да се венчаат.
Иако е популарна во странство, Ардерн ја губи поддршката дома поради зголемувањето на цените, зголемената стапка на криминал и контроверзните реформи поврзани со земјоделството и водоводната инфраструктура.
Ардерн доби пофалби низ политичкиот спектар за нејзиното справување со пандемијата Covid-19, кога земјата се соочи со некои од најтешките мерки на глобално ниво, но резултираше со една од најниските стапки на смртност.
Нејзиниот наследник на чело на владата, Крис Хипкинс, во вторникот ја назначи да раководи со глобалната иницијатива „Christchurch Call“, чијашто мисија е борба против насилниот екстремизам на интернет и дерадикализацијата. Иницијативата обединува над 120 земји, технолошки компании и даватели на интернет услуги и здруженија на граѓанското општество во колективните напори за борба против сите форми на екстремизам.
Гледајќи ја својата четиригодина ќерка Неве од галеријата на парламентот, Ардерн му се заблагодари на својот партнер Кларк Гејфорд и му рече на своето дете: „Нема да пораснеш позната како ќерка на поранешен премиер затоа што повеќе би сакал да бидам позната како Мајката на Неве и ништо друго“.
