Во 2022 година во Германија е измерен најголемиот пад на реалните плати за една година, чија статистиката на индекс се води од 2008 година.
Според податоците на Сојузниот завод за статистика (Дестатис), реалните плати во Германија во изминатата година паднале во просек за четири отсто во однос на 2021 година, со што продолжува трендот на намалување во последните две години од кризата.
Во согласност со трендот на номиналните плати, падот е за 0,9 процентни поени повисок од очекуваниот, а потрошувачките цени се зголемени за 6,9 отсто во 2022 година, се вели во соопштението на Дестатис.
Во 2022 година номинално платите во Германија се зголемени во просек за 2,6 отсто во однос на претходната година. Додека во 2020 година на намалувањето на платите влијаеше пандемијата на коронавирусот и поголемата искористеност на намаленото работно време во различни области, во 2021 година, а особено во 2022 година, растот на номиналните плати беше проголтан од високата инфлација, т.е. од растечките цени на стоките за широка потрошувачка, пренесува Танјуг.
