Германската и италијанската полиција уапсиле во средата околу 150 луѓе во жестокиот удар насочен на италијанската криминална организација Ндрагета, објавија германските јавни обвинители и полиции на двете земји.
Како што известува Reuters, осомничените се товарат за перење пари, кривични дела од сферата на затајување даноци, измами и криумчарење дроги, мафијашко злосторничко здружување и поседување и трговија со оружје.
Апсењата биле дел од координирана истрага во Германија, Белгија, Франција, Италија, Португалија и Шпанија, објави германското државно обвинителство.
Агенцијата AFP јавува дека апсења во врска со истата истрага имало и во Словенија и во Романија.
Германските обвинители и италијанските карабинери најавија за подоцна во денот одвоени конференции за медиумите.
Ндрагета, чиишто корени се од јужниот италијански регион Калабрија, ја надмина и „прославената“ Коза Ностра како најмоќната мафијашка организација во земјата и една од најголемите криминални мрежи во светот.
Италијанските карабинери извеле 108 апсења ширум земјата во истрагата базирана во центарот на регионот Калабрија, се наведува во соопштението. Уште 15 лица се приведени по налог на полицијата во северозападниот пристанишен град Џенова.
Германската полиција, исто така, уапсиле десетици осомничени во раните утрински часови во средата, во операцијата кој сѐ уште е во тек.
Во Белгија полицијата извршила рација на повеќе од 20 адреси, според обвинителите, кои додаваат дека повеќе поединости ќе изнесат на прес-конференција подоцна во текот на денот.
Во германската сојузна покраина Баварија полицијата објави дека апсењата се резултат на повеќе од три година истрага наречена „Операција Еурека“.
Италијанското и белгиското иследници веруваат дека италијанската криминална мрежа во периодот меѓу октомври 2019 и јануари 2022 година прокриумчарила близу 25 тони кокаин и пренела повеќе од 22 милиони евра од Калабрија во Белгија, Холандија и Јужна Америка.
Четири лица се уапсени во Баварија, 15 во Северна Рајна-Вестфалија и 10 во југозападната сојузна покраина Рајнска област-Пфалц, објави германската полиција. Полицијата запленила потенцијални докази на десетици локации, вклучително домови и канцеларии.
Двајца осомничени кои биле под истрага во западната германска сојузна покраина Саксонија уапсени со во Италија.
Во рамките на координираната истрага во градот Малага, на југот на Шпанија, уапсен е маж, соопшти шпанската полиција, без да наведе повеќе поединости.
