Потпретседателот на ВМРО-ДПМНЕ, Александар Николоски преку статус на Фејсбук денеска пишува дека денес сите пратеници на ВМРО-ДПМНЕ ќе кажат НЕ за уставните измени.
„НЕ за уставни измени!
Македонскиот народ има своја засебна историја, култура и свој македонски јазик, а Македонија јасен државно – политички континуитет.
Македонија е реализација на желбите за независна држава на вековните копнежи и борби на Македонците!
Затоа ниедна наметната власт, ниедна сила и притисок не може да не натераат да се избришеме!
ВМРО-ДПМНЕ е заштитникот на Македонскиот народ. Затоа денес СИТЕ пратеници на ВМРО-ДПМНЕ ќе кажат НЕ за уставни измени!
Ден за историја! Да живее Македонија!“, стои во неговиот пост на Фејсбук.
