Полска и две балтички земји целосно ќе ги затворат границите со Белорусија доколку дојде до инцидент со платениците на Вагнер, изјави полскиот министер за внатрешни работи Мариуш Камински.
Членките на Европската унија Латвија, Литванија и Полска, кои делат граница со Белорусија, се загрижени за безбедноста на своите граници по доаѓањето на платениците на Вагнер во Белорусија на покана на белорускиот претседател Александар Лукашенко.
Полска бележи зголемување на бројот на мигранти претежно од Блискиот Исток и Африка кои се обидуваат да ја преминат границата во последните месеци и ја обвини Белорусија дека им помага во тоа.
„Бараме од властите во Минск, Вагнер веднаш да ја напушти територијата на Белорусија и илегалните мигранти веднаш да ја напуштат граничната област и да се вратат во своите матични земји“, рече Камински на прес-конференција.
„Доколку има критичен инцидент, без разлика дали е на полската или литванската граница, веднаш ќе возвратиме. Сите гранични премини што беа отворени досега ќе бидат затворени“, рече тој.