Шведскиот државјанин Сергеј Скворцов, роден во Русија, е обвинет дека речиси десет години собирал информации за руската воена разузнавачка служба ГРУ.
Шведското обвинителство соопшти дека 60-годишниот Скворцов е обвинет за „сериозни незаконски разузнавачки активности против Шведска и странска сила“. Обвинителот Хенрик Олин подоцна рече дека САД се таа странска сила.
Скворцов беше уапсен во ноември заедно со неговата сопруга во градот Начка, во близина на Стокхолм, и оттогаш е во притвор. Сопругата на Скворцов, која ја негира вината, е ослободена и против неа не е покренато обвинение.
Според обвинението, од 1 јули 2014 до ноември 2022 година, Скворцов „тајно и/или со употреба на измамнички средства вршел активности за руската држава со цел да добие информации за условите, чие откривање на странски сили можело се закануваат на безбедноста на Шведска“.
Обвинителите тврдеа дека Скворцов ја користел својата компанија за увоз и извоз за нелегално да добие технологија што потоа ќе ја предаде на руската воена разузнавачка служба ГРУ.
Скворцов живеел во Шведска 25 години, а државјанството на таа земја го добил во 2012 година.
Судењето треба да започне на 4 септември. Доколку биде прогласен за виновен, му се заканува затворска казна до шест години.
