Kриминалот на Онкологија не бил можен без знаење на раководителите и на власта

четврток, 23 ноември 2023, 09:01

Скандалот „Диво месо“ на Клиниката за онкологија на виделина ја извади целата канцер мафија која печалела на грбот на најтешко болните во Македонија. На Онкологија владеело хаос. Свесно било дозволено да нема ниту софтверски КАТО систем, ниту протоколи, ниту писмена евиденција, се со цел да се случуваат манипулации со скапата терапија. Скапата терапија без усул била набавувана од омилената веледрогерија на власта, без консултации со Фондот за здравство, со што бил трупан огромен долг на клиниката кон добавувачот. Во исто време иако биле потрошени тешки милиони, пациентите се соочувале со недостаток на лекови, терапија и термини за лекување, обвинуваат од ВМРО-ДПМНЕ.

-Според сведоштвата на пациенти и медиуми скапите лекови платени со народни пари „исчезнувале“ и завршувале на црниот пазар во државата и странство, а на најтешко болните им бил даван само физиолошки раствор. Овој грозоморен криминал за кој се зборува две години веќе, обвинителството нема абер да го расчисти. Јовески и Абази, ставени во скутот на власта, од петни жили се обидуваат да го развлечат случајот, да го релативизираат, гневот да го насочат кон сите здравствени работници, а не кон вистинските одговорни и на крај да го прогласат „кабелот за виновен“, посочуваат од партијата.

Од ВМРО-ДПМНЕ истакнуваат:

„Ваков криминал не било возможно да се случува без знаење и одобрување од страна на раководните структури на институциите и власта. Тоа е причината поради која обвинителството молчи веќе два месеци откако отпочна предистрага која никако да премине во истрага, а уште помалку обвиненија.

Но многу скоро ќе се промени власта и ќе се спроведе темелна и целосна истрага која одговорните ќе ги донесе пред лицето на правдата, но и оние кое ова го дозволувале и го прикривале“.

ПОВРЗАНИ НАПИСИПОВЕЌЕ ОД АВТОРОТ

Стигнати повеќето лекови на Онкологија, вели директорот Стојковски, во најбрз рок уште два лека

Петрушевски: Обвинителството да не молчи и да постапи во случајот со Онкологија

ВМРО-ДПМНЕ го охрабрува ЈО да отвори сеопфатна истрага за сите злоупотреби со онколошка терапија

ПОВРЗАНИ НАПИСИ ПОВЕЌЕ ОД АВТОРОТ