Генералниот секретар на ОН Антонио Гутереш го повтори својот повик за решение со две држави, додека израелскиот премиер Бенјамин Нетанјаху повторно ја отфрли идејата за суверена палестинска држава.
„Правото на палестинскиот народ да изгради сопствена држава мора да биде признаено од сите“, рече Гутереш во саботата во Кампала на состанокот на организацијата на тк Неврзаните земји кои останаа неутрални за време на Студената војна.
„Отфрлањето на решението за две држави за Израелците и Палестинците и негирањето на правото на држава на палестинскиот народ е неприфатливо“, посочи тој.
Гутереш рече дека отфрлањето на решението со две држави го продолжува конфликтот кој стана глобална закана за мирот и безбедноста, придонесува за поларизација и го зајакнува екстремизмот насекаде. Ги повтори повиците за итен прекин на огнот во борбите меѓу Израел и Хамас во Појасот Газа.
Нетанјаху сè уште ја отфрла идејата за независна палестинска држава откако ќе заврши војната во Газа.
„Нема да направам компромис за целосна израелска контрола на целата област западно од Јордан – а тоа е против палестинската држава“, рече тој во саботата, повторувајќи го својот став дека секое решение во иднина мора да вклучува израелска воена контрола на целиот Западен Брег. .
Соединетите држави, важен сојузник на Израел, исто така се залагаат за решение со две држави.
