Николоски: Директорката на прилепската болница поставена од Филипче со огромен корупциски скандал – за иста услуга плаќала дупло
Состојбата во прилепската болница е ужасна, голем број на одделенија не работа, нема соодветни здравствени услуги, дури нема ни основни здравствени услуги за пациентите. Во време на корона кризата Прилеп за жал имаше највисока смртност токму заради состојбата во прилепската болница. Се сеќавате дека немаше довод за кислород скоро една година, а кога се отвори модуларната болница, немаше крај на забеганоста па Венко Филипче заедно со Јована Тренчевска со хеликоптер слетаа во Прилеп за да ја отворат, изјави во неделата Александар Николовски, потпретседателот на ВМРО-ДПМНЕ.
Според него, тоа е резултат на криминалот и корупцијата коишто се случуваат во Општата болница во Прилеп, директорувана од директорката Кети Смилеска која е поставена на функцијата од носителот на листата на СДСМ во четвртата изборна единица Венко Филипче.
„Во Општата болница Прилеп нема лекови за пациентите, нема соодветни здравствени услуги затоа што има криминал и корупција. Би сакал денеска да отвораме една серија на прес конференции на коишто ќе обзнанам бројни криминали во болницата“, рече Николоски.
Притоа потпретседателот на ВМРО-ДПМНЕ презентираше документи од договорите за одржување на компјутерскиот систем. Според Николоски, станвуа збор за два исти договора, едниот потпишан на 2 декември 2021 година и вториот потпишан на 22 февруари 2024 година со истата фирма „Кодекс компјутери“.
Појасни дека од овие два договора произлегува дека за истата работа, а тоа е одржување на постоечкиот информациски систем со иста спецификација која е идентична помеѓу едниот и другиот тендер, разликата во цена е 60.000 евра. Истата фирма го добива тендерот и во 2021 година и во 2024 година, но во 2024 година за 60.000 евра поскапо.
„Доколку одиме на единечна цена што мислам дека најфрапантно во целата оваа работа, за истата услуга одржување на компјутерскиот систем во 2021 година цената е 162.500 денари или некаде околу 2.500 илјади евра, а веќе во 2024 година е 5.000 евра. Повторувам во 2021 година одржувањето на компјутерскиот систем кој што според спецификацијата е исти и во 2021 чини 2.500 евра месечно а во 2024 година чини 5.000 евра месечно“, рече Николоски.
Тоа, според него, значи дека во Прилепската болница „се оди на дупло значи не се зголемило за 10 или 20 проценти како што фамозно крадат од СДСМ тука во прилепската болница директорката поставена од Венко Филипче краде 100 проценти“.
„За 100 проценти повисок договор дава во 2024 година односно истата услуга која што во 2021 чинела 2.500 евра месечно во 2024 година 5.000 евра месечно или разликата за 24 месечен период е 60.000 евра пари кои што се одлеваат од прилепската болница и затоа нема соодветни здравствени услуги за граѓаните. Ќе продолжиме следниот период да обзнануваме и други криминали што само покажуваат како работел Венко Филипче од каде му пари за скапото ауди и за удопствата во животот тие сигурно не се ниту од министерската ниту од докторската плата очигледно се од криминал и корупција, како што денес не даде одговори на крупните прашања кои што ги поставувавме поврзани со наводите за криминал и корупција во време на неговото министерување“, заклучи Николоски.