Напаѓачот на француската репрезентација и Реал, Килијан Мбапе е подготвен да игра на секоја позиција во мадридскиот клуб.
– Подготвен сум да играм каде и да ме стави тренерот. Додека не сум во резервите, ќе се адаптирам на позициите (се смее), изјави Мбапе.
Реал Мадрид на 3 јуни објави за постигнувањето договор со 25-годишниот Французин.
Мбапе претходно играше за Пари Сен-Жермен и Монако.
На крајот на сезоната 2023/24 Реал стана шампион на Шпанија и ја освои Лигата на шампионите. Во финалето избраниците на Карло Анчелоти ја победија Борусија Дортмунд (2:0).
