Врховниот водач на Иран, ајатолахот Али Хамнеи ги повикува муслиманите „да застанат покрај народот на Либан и гордиот Хезболах и со какви било средства што ги имаат и да им помогнат во соочувањето со злобниот режим на Израел“.
Хамнеи, во изјавата откако израелската армија соопшти дека го убила лидерот на Хезболах, Хасан Насрала, вели: „Судбината на овој регион ќе ја одредат силите на отпорот, со Хезболах во првите редови“, пренесуваат државните медиуми.
