Aктуелниот италијански фудбалски шампион Интер е првиот тим што се пласираше во финалето на домашниот Суперкуп, откако со 2:0 победи во полуфиналето над Аталанта во мечот одигран на турнирот во Ријад.
Двата гола за Интер ги постигна холандскиот репрезентативец Дензел Дамфрис. Првиот гол го постигна во 49. минута, а вториот во 61. минута. Во 72. минута Аталанта постигна гол, но голот на Едерсон беше поништен поради офсајд позиција.
Аталанта минатата сезона го имаше првиот настап во Суперкупот како финалист на Купот на Италија, додека за Интер ова е 13. настап во кој ќе се обиде да го освои рекордниот четврти последователен трофеј и вкупно деветти.
Интер ќе го дознае името на противникот во финалето во петок (20 часот), кога во второто полуфинале во Ријад ќе се пресметаат Јувентус и Милан.
Финалниот натпревар е закажан за понеделник, исто така во 20:00 часот по средноевропско време.
