Романскиот крајно десничарски и наводно проруски претседателски кандидат Калин Џорџеску останува главен избор на гласачите пред повторените претседателски избори во мај, покажа анкетата на јавното мислење објавено во понеделникот вечерта.
Трите излегувања на гласачките места за избор на претседател и парламент ја фрлија романската политика во хаос откако Калин Џорџеску, претходно малку познат краен десничар победи во првиот круг од претседателските избори на 24-ти ноември, а испадна фаворизираниот социјалдемократскиот премиер Марсел Чолаку. Во вториот круг на 8-ми декември, Џорџеску кој навестува дистанцирање од ЕУ и НАТО, требаше да се соочи со противничката од десниот центар, Елена Ласкони.
Анкетата е спроведена еден месец откако највисокиот суд во земјата ги поништи претседателските избори на кои Џорџески беше водечки кандидат два дена пред одржувањето на вториот круг, наведувајќи ги наводите за руско мешање во негова полза за кои доказите никогаш досега не беа презентирани.
Изборите беа поништени откако државните документи покажале наводно дека Џорџеску, критичар на НАТО кој ги пофалил романските фашистички лидери од 1930-те, имал полза од „нечесната кампања“ на социјалните мрежи, „најверојатно организирана од Русија“, обвинувања што Москва ги негираше.
Анкетата на анкетарите на социолошката компанија „Avangard“, цитирана од веб-страницата за вести hotnews.ro, покажа дека Џорџески ќе добие 38 отсто од гласовите во првиот круг на 4-ти мај.
Крин Антонеску, предложениот единствен кандидат на проевропската коалициска влада, ќе добие 25 отсто од гласовите, а следен од градоначалникот на Букурешт, Никусор Дан, кој рече дека би можел да се кандидира како независен кандидат, кој би добил 17 отсто.
Елена Ласкони, лидер на центристичката опозиција Унија за спас на Романија (AUR), која влезе во сега откажаниот втор круг заедно со Џорџеску, ќе добие 6 отсто.
Анкетата опфатила 1.354 луѓе меѓу 10-ти и 16-ти јануари и има маргина на грешка од 2,6 отсто.
Повторените избори ќе се одржат на 4-ти мај, а вториот круг на 18-ти мај.
Останува нејасно дали Џорџеску, кој се противи на воената поддршка на Романија за Украина во војната против Русија, ќе може повторно да се кандидира за претседател. Имено, во октомври минатата година, Врховниот суд му забрани на претходно малку познатиот крајно десничарски политичар да се кандидира за функцијата. Критичарите велат дека судот ги надминал своите овластувања со овој потег.
Романија има најдолга копнена граница со Украина од сите членки на Европската унија и НАТО. Помогна за извоз на милиони тони украинско жито преку пристаништето Констанца на Црното Море, обучи пилоти на украински борбени авиони и донираше батерија за воздушна одбрана „Patriot“ на Киев и се смета за главна отскочна даска во евентурален судир на НАТО со Русија.
