Израелските сили убиле три лица а раниле уште 31 додека се обидувале да се вратат во јужен Либан, каде што израелските сили останале на теренот и по истекот на рокот за нивно повлекување во неделата, соопшти либанското Министерство за здравство.
Израел соопшти дека има намера да ги задржи трупите на југот надвор од крајниот рок во недела, поставен со прекинот на огнот со посредство на САД, кој ја прекина минатогодишната војна со Хезболах, и во саботата им нареди на жителите да не се враќаат до натамошно известување.
Договорот, постигнат на крајот на ноември минатата година, предвидуваше израелските сили да се повлечат од југот и дека оружјето и борците на Хезболах ќе бидат отстранети од областа, додека либанската армија требаше да ја преземе областа. Рокот за овие операции беше 60 дена, а истече во неделата.
Израел тврди дека Либан не ги исполнил целосно условите, додека либанската армија поддржана од САД во саботата го обвини Израел за одложување на повлекувањето.
Телевизијата al-Manar на Хезболах, која емитува од неколку локации на југ, прикажа снимки од жителите како се движат кон селата и покрај израелските наредби, некои го држат знамето на движењето и слики од борците на Хезболах убиени во војната.
Израел не кажа колку долго неговите сили ќе останат на југот, каде војската го запленила дел од вооружувањето на Хезболах и ја уништува неговата инфраструктура.
Конфликтот меѓу Хезболах и Израел се водеше истовремено со војната во Газа, а врвот на конфликтот беше големата израелска офанзива против Хезболах во која повеќе од милион луѓе ги напуштија своите домови и која според израелските проценки го ослабело шиитското движење.
