Судењето на лидерот на босанските Срби. Милорад Додик. продолжи во средата во Судот на Босна и Херцеговина по речиси два месецаи пауза, а судијката Сена Узуновиќ го одби неговото барање за почеток на процесот одново бидејќи претходното рочиште се одржа на 5-ти декември минатата година.
Додик првпат се појави пред Судот на БиХ, откако беше опериран поради стиснат хранопроводник во приватна клиника во Белград на 9-ти декември минатата година. Судијката Узуновиќ претходно го прифати мислењето на лекарот дека по излегувањето од болница ќе му требаат неколку седмици закрепнување, во кои нема да може да отпатува во Сараево на сослушувања.
Актуелниот претседател на Република Српска побара поради прекинот од повеќе од еден месец, целиот процес да се врати на почеток, односно повторно да се прочита обвинението, да се изведат сите докази и да се повторат изјавите на сведоците, што е дозволено со Законот за кривична постапка во вакви случаи, но судијката Узуновиќ го одби ова барање.
„Барањето на одбраната повторно да се изведат докази е во контекст на одолговлекување на процесот“, оцени судијката, потсетувајќи дека досега постојано се откажуваа рочишта по барање на Додик, што „значително“ го забавило судењето.
Додик потоа се пожали дека му се кршат човековите права и тврдеше дека бил под постојан јавен прогон и притисок.
Додик и директорот на Службениот весник на Република Српска, Милош Лукиќ, беа обвинети дека овозможиле објавување на два закона што беа усвоени од парламентот на Република Српска и покрај тоа што високиот претставник за БиХ, Кристијан Шмит, претходно ги поништи. што може да резултира со казна затвор до пет години, а осудата во случајот на Додик би значела автоматско смена од функцијата претседател на Република Српска.
Затоа, Обвинителството на БиХ против нив поднесе обвинение во август 2023 година, а судењето започна во февруари 2024 година.
Додик, инаку, не го признава легимитетот на Шмит бидејќи е именуван без редовната дискусија во Советот за безбедност при Обединетите нации, за што има поддршка од Русиај и Кина како постојани членки на Советот.
