Пресудата на БиХ за Милорад Додик, претседател на Република Српска, на една година затвор и 6-годишна забрана за вршење функција може да ја дестабилизира не само оваа земја, туку и целиот Балкан, изјави портпаролот на рускиот претседател Дмитриј Песков.
„Она што се случи во Сараево секако предизвикува наше неодобрување. Ги осудуваме таквите постапки бидејќи тие можат да имаат многу негативни последици за ситуацијата не само во Босна и Херцеговина, туку и на Балканот како целина“, одговори портпаролот на Кремљ на прашање на ТАСС.
„Тоа се дејствија кои ќе доведат или може да доведат до дестабилизација на ситуацијата, што е многу лошо.
Песков рече дека рускиот претседател Владимир Путин „често се среќавал со Додик“.
„Ние високо го цениме доверливиот и конструктивен работен однос што се разви меѓу Путин и Додик“, додаде тој. „Се разбира, ние ги негуваме нашите историски братски односи меѓу Русите и Србите.
Босанскиот суд го осуди Додик за игнорирање на одлуките на високиот претставник Кристијан Шмит. Република Српска не ги признава неговите овластувања, бидејќи тој беше назначен во 2021 година со кршење на процедурите утврдени со Дејтонскиот договор.
Шмит иницираше законски акти кои ги кршат правата на босанските Срби и Република Српска не се согласуваше со нив. Покрај тоа, Додик предупреди на неговата подготвеност да го прогласи суверенитетот на Република Српска во случај на понатамошни обиди на Шмит да лобира за закони кои ги кршат правата на босанските Срби.
