Поранешниот светски шампион во шах, Норвежанецот Магнус Карлсен, на eBay ги продаде своите фармерки, со кои му беше забрането да игра на Светското првенство во брз шах во декември, за 36.100 долари, а приходот оди во добротворната организација „Big Brothers, Big Sisters”, која поддржува деца и млади луѓе.
На првиот ден од натпреварувањето во Њујорк, Карлсен се појави во салата за играње облечен во фармерки, што учесниците на турнирот го оценија како несоодветна облека. Затоа плати казна од 200 долари, но доби и ултиматум од организаторите дека мора да ја смени гардеробата. Сепак, Карлсен го одби ова барање и затоа беше дисквалификуван.
