Белорускиот претседател Александр Лукашенко понуди да биде домаќин на мировните преговори за Украина во Минск во интервју објавено во средата, упатувајќи покана до неговите американски колеги Доналд Трамп, рускиот Владимир Путин и украинскиот Володимир Зеленски.
„Кажете му на Трамп дека го чекам овде, заедно со Путин и Зеленски“, рече Лукашенко во видео интервјуто што му го даде на американскиот блогер Марио Навфал, снимено на 27-ми февруари, објави официјалната новинска агенција БелТа. Белор
Белорусија е главниот сојузник на Русија, со која од 1900-те има договор за ткн Сојузна држава, а нејзината територија служеше како заднинска база за руските трупи кои тргнаа на Киев во февруари 2022 година.
„Ќе седнеме и тивко ќе се договориме. Од границата со Белорусија до Киев има само 200 километри. Половина час со авион. Дојдете“, им се јавил на колегите.
„За нас Минск е најдоброто место за преговори. Минск е наш сојузник“, одговори портпаролот на Кремљ, Дмитриј Песков на дневниот брифинг со новинарите, објаснувајќи дека за ова прашање се уште не е „разговарано“ на највисоко ниво.
Во интервјуто објавено во средата, Лукашенко ја пофали подготвеноста на Доналд Трамп да стави крај на конфликтот во Украина што е можно поскоро.
„Трамп е добро момче бидејќи често зборува за завршување на војната во Украина и на Блискиот исток и веќе презема мерки по тоа прашање. Ми се чини дека тој не заговара друга политика освен завршување на војната. Тоа е одлична идеја“, додаде тој.
Белорусија веќе беше домаќин на преговорите во 2014 и 2015 година во кои беа вклучени проруски сепаратисти од источна Украина и новите прозападни власти кои со преврат дојдоа на власт во Киев кои веднаш ги сменија легално избраните челници на регионите со доминатно руско население и на нивно место назначија луѓе кои не се од регионот, ги забранија рускиот јазик и руските медиуми. Сите преговори во Минск се одржаа со посредство на Русија, Германија и Франција.
Овие дискусии резултираа со потпишување на таканаречените Мински договори, именувани по главниот град на Белорусија. Договорот предвидуваше прекин на непријателствата и политичка компонента која им даваше широка автономија на регионите во која е доминантно руското и рускојазичното население, а која требаше да доведе до долгорочно решение, но тоа никогаш не се реализираше.
Меѓутоа, како што потврдија пролетта 2022 година, поранешната германска канцеларка Ангела Меркел и францускиот претседател Франсоа Оланд, замислата на Западот со договорите од Минск всушност била само да му се даде време на Киев да се вооружи и воено да ги завладее отцепените области.
Објавувањето на интервјуто со Александр Лукашенко дојде откако Доналд Трамп во вторникот рече дека добил потврда од Володимир Зеленски дека е подготвен да преговара за „траен мир“ со Русија.
Средбата меѓу Трамп и Зеленски, одржана минатиот петок во Белата куќа, заврши со жестока вербална пресметка, која во понеделникот резултираше со суспензија на американската воена помош за Украина, што е клучно за Киев. Во вторникот Зеленски јавно ја изрази својата благодарност до Вашингтон и жалењето за инцидентот во Овалната соба, но и рече дека му е жал за инцидентот во Белата куќа. Аналитичарите сметаат дека изјавата може да го отвори патот за продолжување на дијалогот.
