Европската унија ѝ плати на Русија за енергија од почетокот на нејзината инвазија на Украина, сума за којашто можеше да купи 2.400 нови американски борбени авиони „F-35“, изјави во средата европскиот комесар за енергетика Дан Јоргенсен во Европскиот парламент.
Руската нафта сега сочинува само 3 отсто од вкупниот увоз во ЕУ, што е значителен пад од нивото од пред војната од 25 отсто, рече еврокомесарот во Стразбур за време на дебатата за забрзување на транзицијата од рускиот увоз на енергенси.
Сепак, увозот на гас од Русија се намали од 45 отсто во 2019 година на 19 отсто минатата година, рече Данецот и најави значителен „дополнителен пад на увозот“ од Русија и негово постепено целосно елиминирање.
Јоргенсен зборуваше на оваа тема неколку дена откако американскиот претседател Доналд Трамп ја критикуваше ЕУ дека купува енергенси од Москва.
„Знаете што друго ме мачи во Европа? Тие ѝ дадоа на Русија многу повеќе пари за купување на нејзината нафта отколку што инвестираа во Украина. Така, тие ѝ плаќаат на Русија огромна сума пари, а ние сме во тоа со 350 милијарди долари“, рече републиканецот, иако тврдењето на Трамп за износот на американската помош се оспорувани како наводно претерано, дебатата во Европскиот парламент ја потврди оценката дури и по големата сума за енергетиката што ја плати во Москва.
Јоргенсен во Стразбур рече дека политиките на Унијата се „од една страна успешни“, бидејќи успеала суштински да ја промени својата „енергетска слика“ со брзо темпо, но од друга страна е неуспех затоа што ЕУ сè уште увезува премногу гас од Русија.
„Индиректно му ги полниме воениот буџет на (рускиот претседател Владимир) Путин со пари“, рече еврокомесарот.
Земјите од ЕУ ѝ платија на Русија сума „еднаква на цената на 2.400 нови борбени авиони „F-35“ од февруари 2022 година, кога започна нејзината агресија„, продолжи Данецот. Само 12 земји во Европа засега се влезени во скапата програма за развој и набавка на овие борбени авиони, а закажаните испораки се движат од по неколку десетици.
Добрата вест е, нагласи социјалдемократскиот политичар, дека ЕУ има опција да го промени ова, а работите што Унијата мора да ги направи за да ја намали зависноста од Русија се исти како она што мора да ги направи за да ја декарбонизира својата економија.
„Она што некои луѓе го велат е погрешно, дека гасот и фосилните горива се најевтиниот облик на енергија, тоа едноставно не е точно“, тврди Јоргенсен.
Јоргенсен рече и дека ЕУ секоја година заштедува пари со воведување нови обновливи извори на енергија и зголемување на енергетската ефикасност: „Најевтината енергија е енергијата што не ја користиме“.
Посочи дека ЕУ лани воведе 78 гигавати обновливи извори на енергија и дека 2024 година е првата година кога соларните централи произведуваат повеќе електрична енергија отколку јаглен.
„Нема да има забавување на зелените политики во Европа, токму спротивното“, рече тој.
Покрај обновливите извори, ЕУ ќе постигне независност од Русија со зголемување на енергетската ефикасност и диверзификација на изворите, рече Данецот.
