Трговската фрагментација и повисоките трошоци за одбраната може да предизвикаат „исклучителни“ шокови во економијата на еврозоната и повторно да ја разгорат инфлацијата, предупреди во средата претседателката на Европската централна банка (ECB), Кристин Лагард.
„Нивото на несигурност со кое се соочуваме е исклучително високо“, рече Лагард на конференцијата организирана од Институтот за монетарна и финансиска стабилност на Универзитетот Гете во Франкфурт.
Индексот на несигурност во трговската политика во моментов е шест пати повисок од просекот во 2021 година, а индикаторите за геополитички ризик достигнаа нивоа што не беа забележани од Студената војна, исклучувајќи ги војните и терористичките напади, додаде таа.
Покрај структурните фактори како што се стареењето на населението и дигитализацијата, кои најверојатно ќе го забават растот на цените во наредните години, еврозоната сега се соочува со можни нови шокови, со корени, пред сѐ, во трговијата и одбраната, како и климатските промени, нагласи шефицата на ECB.
Тие би можеле да ги зголемат цените, но можат да бидат и кочница, додаде Лагарад.
„Нова ера“
Трговската фрагментација и повисоките трошоци за одбрана во сектор ограничен со капацитет, во принцип, би можеле да ја поттикнат инфлацијата, објаснува Лагард.
Царините на САД би можеле да ја ограничат побарувачката за стоки од ЕУ и да го пренасочат вишокот кинески капацитет кон Европа, што, пак, би можело да ја намали инфлацијата.
Сепак, постои и ризик таквите шокови да се неутрализираат меѓусебно и нивното влијание врз цените на крајот да биде неутрално.
Клучниот проблем на ЕСВ е што инфлацијата е несразмерно почувствителна на големи шокови и дека големите шокови би можеле да се прошират на подолг временски период, објаснува тој.
Затоа, одржувањето на ценовната стабилност во „новата ера“ ќе биде „тешка задача“ за ЕСВ, забележува Лагард и ќе бара „апсолутна посветеност“ на целта на инфлацијата и темелна анализа за да се утврди кои видови шокови бараат монетарен одговор.
Одговорот на новите шокови мора, според нејзините зборови, да биде „агилен“, но и во „добро дефинирана рамка која ги ограничува кратковидните реакции и поставува граници на дискреционо одлучување“.
„Затоа мораме да продолжиме да ги водиме очекувањата на јавноста. Луѓето внимателно ќе ги следат и нас и другите власти и нашите потези во период на засилени осцилации и нашите напори да ги ублажиме, а не да ги продлабочуваме дополнително“, заклучи шефицата на ЕСВ во говорот во Франкфурт.
